aza 3
ṯuza ṯeḏi timuṯaawuz
1 ŋwu ṯaŋwu, menyere eḏi ŋuma eḏapani ṯofi kḏu kwokwony mac ta, nenyi kitaḏa eḏi ṯaḏini aṯiina kwutuput, 2 neŋazi uziza timuṯaawuzŋw, kwir eŋgeri kweri, na kwir kaḏaam keḏi Allah ki ŋiɽaŋal-na ŋeḏi Kwruztu, eḏi firlazi ŋaŋwuzi la ki ṯəmna-na ṯalu, na eḏukwazi ŋaŋwuzi, 3 eḏi kwizi ere kwere mac daŋgal-na ajili ṯugwori ŋiḏeny ŋi, ŋiɽaŋal ŋi ŋeḏi ṯurfa kḏu. ŋilŋiiḏiŋazi ŋaŋa rac eḏaruŋw, ŋeṯir zi əkici kizen. 4 kinaŋw nani nyi gwu ŋaŋa li, ner ŋazi andaci kerreny, ner ŋazi eca ŋwu: a kwer kaṯazi ṯurfa; na ŋimerrini ṯaŋwu tɔk kaka ilŋiicaŋazi gwu. 5 ŋinderṯa ŋu, menyjere eḏi ŋuma kwokwony mac eḏapani ṯofi kḏu, nenyuza eḏi ma elŋece ṯəmna ṯalu, ṯinya nyi gwu ŋgwa kweṯi zi mummi kwumɔŋazi mummi kezir were, mindaŋ eŋgi ŋɔḏɽor ŋinyi ere eḏi fayḏa-na kwere mac.
6 lakin kirem timuṯaawuz kwumila, kwunani nani ŋa gwu, nuŋw efica nyuŋwuzi ŋiɽaŋali ŋizaw ŋeḏi ṯəmna ṯalu na ṯamɽa ṯalu, kwaruŋw ŋaŋa leṯinyji kikiḏayini ŋwamin tatap ŋimɽi ŋi, na orɔ zurum eḏeze nyuŋwuzi, kaka ur nyi gwu zurum nyiŋa tɔk eḏeze ŋaŋwuzi. 7 ŋiɽaŋal ŋi ṯa ŋu, lieŋgeri, ŋimenyji kandizelu ki ṯurfa-na, na ki ṯundeŋna-na tɔk tatap, ŋiɽaŋal ŋi ŋeni ŋalu, ṯəmna ṯi ṯalu. 8 na kirem nyiŋa limiiḏi ma rilli ŋaŋa titir eḏi Kweleny-na. 9 na ṯortaḏa ṯiri ṯaŋ ṯenyi inḏeḏa Allah ṯeni ŋaŋa, kaka menyi gwu ureni ṯinyiŋlana ŋiɽaŋal ŋi ŋalu ki yey-na yeḏi Allah weri? 10 nyiŋa leṯari ki yiriny beṯe-beṯen yuluŋa yaŋwunu, mindaŋ ma iziḏi ŋaŋa li kiyeyna, na eḏi kiɽeci ŋaŋwuzi ŋgwa kwəmɽeṯu kworɔ ki ṯəmna-na ṯalu.
11 eḏi ma Allah weri ŋundu wir Papa, na Kweleny kweri kweni Yecu daɽmaci nyuŋwuzi ṯay eḏila nani ŋa gwu. 12 na eḏi ŋazi Kweleny duŋgwuŋgwazi, na eḏureni ṯamɽa-na eḏamɽaḏizina wuɽe-wuɽeny, na lizi liḏaḏu tatap, kaka ŋeṯir ŋazi ŋi amɽi tɔk. 13 ṯaŋwu, eḏuŋw ma firlazi rugwori la ralu, eḏere eḏi loma-na lere mac, lirlinelu ter ki yey-na yeḏi Allah wir Papa, ma Kweleny kweni Yecu aɽa lizi li luŋwun tatap lirlinelu ter.
aza 3
ṯuza ṯeḏi timuṯaawuz
1 ŋwu ṯaŋwu, menyere eḏi ŋuma eḏapani ṯofi kḏu kwokwony mac ta, nenyi kitaḏa eḏi ṯaḏini aṯiina kwutuput, 2 neŋazi uziza timuṯaawuzŋw, kwir eŋgeri kweri, na kwir kaḏaam keḏi Allah ki ŋiɽaŋal-na ŋeḏi Kwruztu, eḏi firlazi ŋaŋwuzi la ki ṯəmna-na ṯalu, na eḏukwazi ŋaŋwuzi, 3 eḏi kwizi ere kwere mac daŋgal-na ajili ṯugwori ŋiḏeny ŋi, ŋiɽaŋal ŋi ŋeḏi ṯurfa kḏu. ŋilŋiiḏiŋazi ŋaŋa rac eḏaruŋw, ŋeṯir zi əkici kizen. 4 kinaŋw nani nyi gwu ŋaŋa li, ner ŋazi andaci kerreny, ner ŋazi eca ŋwu: a kwer kaṯazi ṯurfa; na ŋimerrini ṯaŋwu tɔk kaka ilŋiicaŋazi gwu. 5 ŋinderṯa ŋu, menyjere eḏi ŋuma kwokwony mac eḏapani ṯofi kḏu, nenyuza eḏi ma elŋece ṯəmna ṯalu, ṯinya nyi gwu ŋgwa kweṯi zi mummi kwumɔŋazi mummi kezir were, mindaŋ eŋgi ŋɔḏɽor ŋinyi ere eḏi fayḏa-na kwere mac.
6 lakin kirem timuṯaawuz kwumila, kwunani nani ŋa gwu, nuŋw efica nyuŋwuzi ŋiɽaŋali ŋizaw ŋeḏi ṯəmna ṯalu na ṯamɽa ṯalu, kwaruŋw ŋaŋa leṯinyji kikiḏayini ŋwamin tatap ŋimɽi ŋi, na orɔ zurum eḏeze nyuŋwuzi, kaka ur nyi gwu zurum nyiŋa tɔk eḏeze ŋaŋwuzi. 7 ŋiɽaŋal ŋi ṯa ŋu, lieŋgeri, ŋimenyji kandizelu ki ṯurfa-na, na ki ṯundeŋna-na tɔk tatap, ŋiɽaŋal ŋi ŋeni ŋalu, ṯəmna ṯi ṯalu. 8 na kirem nyiŋa limiiḏi ma rilli ŋaŋa titir eḏi Kweleny-na. 9 na ṯortaḏa ṯiri ṯaŋ ṯenyi inḏeḏa Allah ṯeni ŋaŋa, kaka menyi gwu ureni ṯinyiŋlana ŋiɽaŋal ŋi ŋalu ki yey-na yeḏi Allah weri? 10 nyiŋa leṯari ki yiriny beṯe-beṯen yuluŋa yaŋwunu, mindaŋ ma iziḏi ŋaŋa li kiyeyna, na eḏi kiɽeci ŋaŋwuzi ŋgwa kwəmɽeṯu kworɔ ki ṯəmna-na ṯalu.
11 eḏi ma Allah weri ŋundu wir Papa, na Kweleny kweri kweni Yecu daɽmaci nyuŋwuzi ṯay eḏila nani ŋa gwu. 12 na eḏi ŋazi Kweleny duŋgwuŋgwazi, na eḏureni ṯamɽa-na eḏamɽaḏizina wuɽe-wuɽeny, na lizi liḏaḏu tatap, kaka ŋeṯir ŋazi ŋi amɽi tɔk. 13 ṯaŋwu, eḏuŋw ma firlazi rugwori la ralu, eḏere eḏi loma-na lere mac, lirlinelu ter ki yey-na yeḏi Allah wir Papa, ma Kweleny kweni Yecu aɽa lizi li luŋwun tatap lirlinelu ter.