aza 12
haḏiya weḏi Ṯigɽim ṯirlinelu ter wir-na ter ter
1 na ŋazi ere naŋni mac eḏi nani, lieŋgeri linyi, liira tilŋiiḏina ṯeḏi haḏiya weḏi Ṯigɽim tirlinelu ter. 2 ŋilŋiiḏi ŋazi eḏaruŋw, ur ŋa gwu liira ṯilŋiiḏina ṯeḏi Allah, ner firgazi ŋaŋwuzi lu eḏi kwɔkwoce libayila lu. 3 ṯaŋwu, na ŋazi ŋaŋni eḏelŋe eḏaruŋw, kwizi kwiti kwere mac kwaruŋw: eḏi Yecu ɔllɔne, andizaŋw gwu Ṯigɽim ṯi tirlinelu ter. nuŋw ere kwere tɔk mac kweḏi ŋuma eḏaruŋw: Yecu kwiri Kweleny, iti andizaŋw gwu Ṯigɽim ṯi tirlinelu ter mac.
4 na haḏiya weḏi Ṯigɽim tirlinelu ter nani wir-na ter ter, lakin na ta Ṯigɽim orɔ tutuput; 5 na ray rinani rir-na ter ter eḏi ri əkici Allah ŋɔḏɽor, lakin na ta Kweleny orɔ kwutuput; 6 na ŋɔḏɽor nani ŋir-na ter ter, lakin na ta Allah orɔ keni wutuput weṯaki ŋɔḏɽor ŋu tatap Ṯigɽim ṯi, ki lizi-na. 7 na deŋgen-na lere lere, eti Ṯigɽim tirlinelu ter ruwene lu, haḏiya yi wir-na ter ter, er yi meceḏizina tatap. 8 na eṯir inḏeḏa kwete ŋuma eḏi zi andaci teḏina ṯi yeyna Ṯigɽim ṯi tirlinelu ter, na kwir ter eḏi zi andaci tilŋiiḏina ṯi, lakin eti Ṯigɽim orɔ tutuput tuɽuk; 9 na kwir ter, eṯir inḏeḏa ṯəmna Ṯigɽim ṯi ṯir ṯutuput, na kwir ter haḏiya wir ŋuma eḏi ŋi zəwi lizi luma, Ṯigɽim ṯi tir ṯutuput, 10 na kwir ter eṯir inḏeḏa ŋuma eḏi ŋi erri ŋilima, na kwir ter eḏi zi andaci ŋinḏeḏa zi Allah Ṯigɽim ṯi; na kwir ter ŋuma eḏi ŋi elŋe eḏaruŋw, ŋiɽaŋal ŋu ŋimɔ ruḏa nani gwu Ṯigɽim ṯirlinelu ter, ya, ŋimɔ ruḏa nani gwu ṯigɽim tiki; na kwir ter eḏortaḏa kandiza gi kiṯimḏina keḏi Ṯigɽim tirlinelu ter, na kwir ter eḏorɔ muṯarjam kweḏi kandiza ŋga. 11 lakin na haḏiya wu tatap wir-na ter ter, wiri ŋɔḏɽor ŋeḏi Ṯigɽim ṯutuput ṯeṯi zi kannaci ter ter ṯugwor ṯi ṯuŋwun.
kwɔmne kwedi aŋna kwir-na ter ter kwiri kaka zura kweḏi kaniiza
12 kaka ur gwu ṯa aŋna wutuput nuŋw undeni kwɔmne ter ter, nuŋw orɔ tatap kweni kwuru aŋna wutuput, na ṯa Kwruztu orɔ wu tɔk. 13 kaka baptizinar gwu tatap Ṯigɽim ṯi ṯutuput, eḏi aŋna-na wutuput—urir gwu yahuuḏ ya yunaan, ya luway ya lir hurr, —na klu tatap ner oɽmaṯi eḏi Ṯigɽim-na ṯutuput.
14 kaka iti eḏi gwu aŋna kwɔmne kwutuput mac lakin nuŋw keni uri. 15 ma kaga aruŋw: nyi kwende kwiri ṯii, ŋwu ta nyiti kwiri kwete kweḏi aŋna mac; ta ŋwere orɔ kwete kweḏi aŋna manya? 16 na ma kəni aruŋw: nyi kwende kwiri ley, ŋwu ta nyiti kwiri kweḏi aŋna mac; ta ŋwere orɔ kewte kweḏi aŋna manya? 17 ma aŋna tatap orɔ ley ta, a ma neŋne aŋgwuru? na ma aŋna orɔ tatap kəni ta, a ma aki wəŋ aŋgwuru? 18 lakin na Allah ketize aŋna kwɔmne kwere kwere tugwor ṯi ṯuŋwun. 19 na eŋguŋw orɔ duŋw lutuput ta, eŋgi ma aŋna naniḏa ṯaka ŋgi? 20 lakin a kwilŋiiḏir eḏaruŋw, kwɔmne kweḏi aŋna kweṯinani keni kwitezir, nuŋw ta orɔ-na wutuput ṯirṯir. 21 ley lende leḏi ŋuma eḏeca ṯii, ŋwu: nyi kwiti kwunaŋna ṯimeca ṯɔŋwa mac. nda lende leḏi ŋuma eḏeca yaga, ŋwu: nyi kwiti kwunaŋna ṯimeca ṯalu mac. 22 beri ma. aŋna weṯi naŋni ṯimeca ṯeḏi kwɔmne kwuŋwun kweṯir gi aruŋw, kwiri kwajila eḏi lieŋgen la. 23 na kwɔmne kwiti kweṯir naŋni eḏi iɽi-na mac, eṯuŋw orɔ rerec kweṯir ami iɽi-na ŋwu, na ŋgwa kwiti kweṯi ijini pɔrpɔr mac, eṯir ami kwuɽbeda ŋwu; 24 lakin na kwɔmne kweṯi ijini pɔrpɔr kwende kweṯinaŋni ṯukwuɽbena lu kḏu. Allah muŋw aci aŋna ta, nuŋw inḏeḏa kwɔmne kweḏi aŋna kwiti kwuṯemḏi mac, ṯiniiya-na ṯiṯemḏelu. 25 mindaŋ ma ṯundenena ere nani kaŋna-na mac, lakin a aŋna tatap meceḏizina wuɽe-wuɽeny. 26 ma kwɔmne kwete kweḏi aŋna rerini, eṯi aŋna rari tatap, na muŋw iɽinina kwete, eṯuŋw amina kwuḏaḏu tatap tɔk.
27 ŋaŋa pa, a liri aŋna weḏi Kwruztu, na orɔ ŋaŋa lere lere kwɔmne kweḏi aŋna wuŋwun. 28 nezi Allah ece-na kaniiza-na kerre-kerreny kla lir yafur, na lir ter lir liɽi, na lir ter lir limuallim, na lir ter leṯerri ŋilima, na lir ter leṯi zəwi lizi, na lir ter leṯi zi mecici tɔk, na lir ter lir lijowiṯ, na kla tɔk leṯortaḏa kandiza gi kiṯimḏina keḏi Ṯigɽim tirlinelu ter. 29 liri yafur tatap yimɔ Yecu Kwruztu ece-na? liri liɽi tatap a? liri limuallim tatap a? leṯizerri tatap ŋir ŋilim a? 30 leḏi tatap haḏiya wir ŋuma eḏi ŋi zəwi lizi a? leḏi haḏiya tatap eḏi yi ortaḏa kandiza gi kiṯimḏina keḏi Ṯigɽim a? leṯorɔ limuṯarjam tatap a? 31 lakin na ŋaŋa pa, eṯorɔ zurum eḏafi haḏiya wuṯemḏelu.
na nyi kwɔŋazi baŋaci ṯay tizaw beṯen, ṯiṯemḏelu purpur.
aza 12
haḏiya weḏi Ṯigɽim ṯirlinelu ter wir-na ter ter
1 na ŋazi ere naŋni mac eḏi nani, lieŋgeri linyi, liira tilŋiiḏina ṯeḏi haḏiya weḏi Ṯigɽim tirlinelu ter. 2 ŋilŋiiḏi ŋazi eḏaruŋw, ur ŋa gwu liira ṯilŋiiḏina ṯeḏi Allah, ner firgazi ŋaŋwuzi lu eḏi kwɔkwoce libayila lu. 3 ṯaŋwu, na ŋazi ŋaŋni eḏelŋe eḏaruŋw, kwizi kwiti kwere mac kwaruŋw: eḏi Yecu ɔllɔne, andizaŋw gwu Ṯigɽim ṯi tirlinelu ter. nuŋw ere kwere tɔk mac kweḏi ŋuma eḏaruŋw: Yecu kwiri Kweleny, iti andizaŋw gwu Ṯigɽim ṯi tirlinelu ter mac.
4 na haḏiya weḏi Ṯigɽim tirlinelu ter nani wir-na ter ter, lakin na ta Ṯigɽim orɔ tutuput; 5 na ray rinani rir-na ter ter eḏi ri əkici Allah ŋɔḏɽor, lakin na ta Kweleny orɔ kwutuput; 6 na ŋɔḏɽor nani ŋir-na ter ter, lakin na ta Allah orɔ keni wutuput weṯaki ŋɔḏɽor ŋu tatap Ṯigɽim ṯi, ki lizi-na. 7 na deŋgen-na lere lere, eti Ṯigɽim tirlinelu ter ruwene lu, haḏiya yi wir-na ter ter, er yi meceḏizina tatap. 8 na eṯir inḏeḏa kwete ŋuma eḏi zi andaci teḏina ṯi yeyna Ṯigɽim ṯi tirlinelu ter, na kwir ter eḏi zi andaci tilŋiiḏina ṯi, lakin eti Ṯigɽim orɔ tutuput tuɽuk; 9 na kwir ter, eṯir inḏeḏa ṯəmna Ṯigɽim ṯi ṯir ṯutuput, na kwir ter haḏiya wir ŋuma eḏi ŋi zəwi lizi luma, Ṯigɽim ṯi tir ṯutuput, 10 na kwir ter eṯir inḏeḏa ŋuma eḏi ŋi erri ŋilima, na kwir ter eḏi zi andaci ŋinḏeḏa zi Allah Ṯigɽim ṯi; na kwir ter ŋuma eḏi ŋi elŋe eḏaruŋw, ŋiɽaŋal ŋu ŋimɔ ruḏa nani gwu Ṯigɽim ṯirlinelu ter, ya, ŋimɔ ruḏa nani gwu ṯigɽim tiki; na kwir ter eḏortaḏa kandiza gi kiṯimḏina keḏi Ṯigɽim tirlinelu ter, na kwir ter eḏorɔ muṯarjam kweḏi kandiza ŋga. 11 lakin na haḏiya wu tatap wir-na ter ter, wiri ŋɔḏɽor ŋeḏi Ṯigɽim ṯutuput ṯeṯi zi kannaci ter ter ṯugwor ṯi ṯuŋwun.
kwɔmne kwedi aŋna kwir-na ter ter kwiri kaka zura kweḏi kaniiza
12 kaka ur gwu ṯa aŋna wutuput nuŋw undeni kwɔmne ter ter, nuŋw orɔ tatap kweni kwuru aŋna wutuput, na ṯa Kwruztu orɔ wu tɔk. 13 kaka baptizinar gwu tatap Ṯigɽim ṯi ṯutuput, eḏi aŋna-na wutuput—urir gwu yahuuḏ ya yunaan, ya luway ya lir hurr, —na klu tatap ner oɽmaṯi eḏi Ṯigɽim-na ṯutuput.
14 kaka iti eḏi gwu aŋna kwɔmne kwutuput mac lakin nuŋw keni uri. 15 ma kaga aruŋw: nyi kwende kwiri ṯii, ŋwu ta nyiti kwiri kwete kweḏi aŋna mac; ta ŋwere orɔ kwete kweḏi aŋna manya? 16 na ma kəni aruŋw: nyi kwende kwiri ley, ŋwu ta nyiti kwiri kweḏi aŋna mac; ta ŋwere orɔ kewte kweḏi aŋna manya? 17 ma aŋna tatap orɔ ley ta, a ma neŋne aŋgwuru? na ma aŋna orɔ tatap kəni ta, a ma aki wəŋ aŋgwuru? 18 lakin na Allah ketize aŋna kwɔmne kwere kwere tugwor ṯi ṯuŋwun. 19 na eŋguŋw orɔ duŋw lutuput ta, eŋgi ma aŋna naniḏa ṯaka ŋgi? 20 lakin a kwilŋiiḏir eḏaruŋw, kwɔmne kweḏi aŋna kweṯinani keni kwitezir, nuŋw ta orɔ-na wutuput ṯirṯir. 21 ley lende leḏi ŋuma eḏeca ṯii, ŋwu: nyi kwiti kwunaŋna ṯimeca ṯɔŋwa mac. nda lende leḏi ŋuma eḏeca yaga, ŋwu: nyi kwiti kwunaŋna ṯimeca ṯalu mac. 22 beri ma. aŋna weṯi naŋni ṯimeca ṯeḏi kwɔmne kwuŋwun kweṯir gi aruŋw, kwiri kwajila eḏi lieŋgen la. 23 na kwɔmne kwiti kweṯir naŋni eḏi iɽi-na mac, eṯuŋw orɔ rerec kweṯir ami iɽi-na ŋwu, na ŋgwa kwiti kweṯi ijini pɔrpɔr mac, eṯir ami kwuɽbeda ŋwu; 24 lakin na kwɔmne kweṯi ijini pɔrpɔr kwende kweṯinaŋni ṯukwuɽbena lu kḏu. Allah muŋw aci aŋna ta, nuŋw inḏeḏa kwɔmne kweḏi aŋna kwiti kwuṯemḏi mac, ṯiniiya-na ṯiṯemḏelu. 25 mindaŋ ma ṯundenena ere nani kaŋna-na mac, lakin a aŋna tatap meceḏizina wuɽe-wuɽeny. 26 ma kwɔmne kwete kweḏi aŋna rerini, eṯi aŋna rari tatap, na muŋw iɽinina kwete, eṯuŋw amina kwuḏaḏu tatap tɔk.
27 ŋaŋa pa, a liri aŋna weḏi Kwruztu, na orɔ ŋaŋa lere lere kwɔmne kweḏi aŋna wuŋwun. 28 nezi Allah ece-na kaniiza-na kerre-kerreny kla lir yafur, na lir ter lir liɽi, na lir ter lir limuallim, na lir ter leṯerri ŋilima, na lir ter leṯi zəwi lizi, na lir ter leṯi zi mecici tɔk, na lir ter lir lijowiṯ, na kla tɔk leṯortaḏa kandiza gi kiṯimḏina keḏi Ṯigɽim tirlinelu ter. 29 liri yafur tatap yimɔ Yecu Kwruztu ece-na? liri liɽi tatap a? liri limuallim tatap a? leṯizerri tatap ŋir ŋilim a? 30 leḏi tatap haḏiya wir ŋuma eḏi ŋi zəwi lizi a? leḏi haḏiya tatap eḏi yi ortaḏa kandiza gi kiṯimḏina keḏi Ṯigɽim a? leṯorɔ limuṯarjam tatap a? 31 lakin na ŋaŋa pa, eṯorɔ zurum eḏafi haḏiya wuṯemḏelu.
na nyi kwɔŋazi baŋaci ṯay tizaw beṯen, ṯiṯemḏelu purpur.