IX. FASEL OSKODITTILIN.
1 Īgatiḱḱon: Allēa īgatiḱḱir, wēkūī indo meṅgi-nan dīakā fa-hissākūmminan, terīn nale fāminī nōrin mulkigā šidal logo taṅafīnī.
2 Nahār gorǵon aharrā Yesū tal log dumma Betrus-kōn Yakūp-pōn Yuhannī-gōṅ-gā eḱḱakiron mulē nassi wēn dōro ter kōtūṅaṅa, galaṅon urrag tennilā. 3 Kitti tannigū nuluaṅōsan diyyikā telgi nayittanī, id sabāgi duṅal dāmun iṅgir nulukira gattin sabgī. 4 Tel log naldaṅsan Elīa Mūsē dani, bańid wēkā kuṅkessan Yesū dani. 5 Betrus wīda Yesūg īgatiron: wo nōr, massa ūī indo tīgōjikawoi, ūī āwallōs yušambē tusko-gā, wēk id dōro, wēkā Musēn dōro, wēkā Elīan dōro. 6 Lākēn irbikummun tar sikkir īksīṅgā adwāfīšan nogo. 7 Gēm wē kir nūra kirōgon; hissi wē gēmil-tōn sukka, īgon: in aṅgallin, ur takk ukkiran. 8 Sōbēn aharrā gūṅa wēkā mārisan, Yesū tarkōdōttā tel logo elsan.
9 Mulēltōn sukka tauwō ǵūsan waktiga, īgatiḱḱon baṅatammana yon wē logo terīn nassīṅgā, tarīn fassīn kēla dūefāminī dīokūltōni. 10 In bamttā unnē tennilā udressan issiksan wēr wēkā: Minā inī dīo-kūltōn fa-fāī. 11 Issiga, īgatissan: Sōn-nōrkū īgi-nan, Elīa urragaṅa fa-kīna yā. 12 Wīda īgatiḱḱon: Elīa urragaṅa, kāmilkā hadderarin; wīda ādemin tōd diyyikā sābrarin mōntakkarin, fāyafīn nagittā. 13 Īgatiḱḱir: Elīa kirkonon urragaṅa, awatissan terīn dollisīn nagittā, fāyafīn galaga tan dōro.
14 Kira talamīdī taṅgū logo, ādemirī diyyikā ted dani nalon, šōn-nōr wēkū dan dolgididdo. 15 Ade-mirī takkā naḱḱisan kēllā hayyirdaṅōšan tal logo mirra gū salāmsan. 16 Issigon šōn-nōrkūgā: bańid mināfakk ūnnilā? 17 Ademirīltōn wē wīda īgon: wo maallim, ai aṅ gakā ikkā kāgatis, šogorti tan mu-mura inin logo. 18 Šogorti takkā dummisīn kēllā tokkin kerkerin, nīttā ǵōgin sammōsin. Talamīdī iṅgū log īgatiḱḱis ōsōsana yā, meskissam. 19 Wīda īgatīron: wo ǵinsi! amān kińa isonaṅe fāminī ai ud dan fa-āgrī? isonaṅe fāmimī ai fa-sābrirī ud dāni. Ur ǵū takkā ai logo ekkaḱḱan. 20 Hkkaḱḱisan tal logo. Aballā, šogorti, takkā nassīn kēllā, tokkon, wīrkōson dabbaliṅkiron kerkeriṅkiron. 21 Issigon taffāppā: Isontōni dārī tad dani? Igon unnittā kisšīnnatdnif 22 Darba diyyikā īglā, amannā wirk-udrosin, ir on eskikan, ū log rahme yā, ūgā halissōǵe. 23 Yesū īgatiron: āmine! ǵelli kāmil eskidaṅinan, amiṅkanī. 24 Aballā tōdin fāb ońōs īgon: Ai āminafīr, wo nōr anni, amān aṅgā īne. 25 Yesū nalon kēllā ādemirī limma taṅa fīǵinanī, ǵisma šogorti niyiskā īgatiron: wo šogorti mumur nēǵ, ai ikk īgatēr tallatōn falēseya, wīdagōn ǵūtanime yā tal logo. 26 Wīgon, tokkon, falōson. Dīo nagittā fīyon; diyyī īksan, dīōsona ya. 27 Lākēn Yesū eddi taṅgā dummon kuttikiron; kuttōson. 28 Tarīn nōgiddo kissīnnā issiksan talamīdī taṅgūī: Ulim eskikeṅkummunnū ōsinaṅgā. 29 Īgon: in šiḱeli fammun sallā-gōn missē-yōṅ gēr rogo.
30 Noksan, Gelīlin tūl grīda gūsan, tar firgi-kummun wēn irbirekā. 31 Alima talamīdī taṅgūyā īgatiḱḱon: Ademin tōd ādemirīn eddī logo fa-tirtak-kin, tel lotōn fa-fāwirtakkin, fāwirtakkōsa fa-kuttin nahār tuskittilā. 32 Tarīn bańitta fehemekeṅkom-messan, gāksan issiginaṅgā. 33 Kafernāhumil kaššan. Tarīn nōgil kissīnnā issiḱḱon: Miṅgā bamssū wēr wē dani dawilā? 34 Ter hussošan, wēr wē dan baṅissan siballā tellā sillē dauwi.
35 Tar tīgdsa dimerūwoṅgārkā ōgir īgatiḱḱon: Tar on dawiraṅinaṅgā firgikanī, tar fa-kudūdanin, mallēn aharaṅa mallē log hadāmariin. 36 Assar wēkā dumma gasko tennil uskirōson, tad dani battaron; tekk īgatiḱḱon: 37 Wēl on assar iṅ galag wēkā ma-gāmgawatikkani taṅs annā, tak-kōn aigā magāmga-wadēnin; wēl on aigā magāmgawadeṅkan, tak kōn aigā magāmgawadēṅkan, tak kōn aigā magāmgawa-dēmmun, lākēn takkā, aigā īdēnī.
38 Yūhannī wīda īgatiron: wo maallim, wēkā nassū šaitānī wēkūgā ōsōgon taṅs innā, kirkummun abāg ūnā, ikkirossū iṅ galakkā awatamme yā, tarīn abāg ūnā kirkommēnan siballā. 39 Lākēn Yesū īgatiḱḱon: Lesmumun ur takk ikkēnaṅgā; tarīn aumēne logo gelli wēkā taṅs annā, ūs: wēkā an dōro baṅikanī. 40 Nai ūg tissiǵminī, in ū logo. 41 Nai ukkā irǵaḱḱō aman yesās wēkā taṅs annā, urīn mes-sihnā innes siballā, allēg, ukkā īgatiḱḱir, fa-agir-kińarimun. 42 Nai ǵelli ūs wēk awī assar aigā āminafī ujēlā, tan dōro gennā, gawin kid wēkā īyil tannā deggirotira amannā kidderōsinan. 43 Edd in on ikkā simarkikirkanī, merros; in dōro masa eddi wō logo nebiskā gābelkanī, edd ūwo log ǵehennemil īgi daimlā gūel lekinī; 44 Siddo wīrki tenni walla īg tenni fa-dīmun. 45 Ōi in on ikkā simarkikirkanī, merros; in dōro masa, ōi wē logo nebiskā yābilkanī, ōi ūwo log gehennemil, īgi daimlā ǵūel lekinī. 46 Siddo wīrki tenni, walla īg tenni fa-dīmun. 47 Mań inn on ikkā simarkikirkanī dukkos; in dōro masa, šōraṅosa nōrin mulklā gābiskanī, mari ūwo log īgi daimlā wīrkitakkōsel lekinī. 48 Siddo wīrki tenni, walla īg tenni fa-dīmun. 49 Kāmil īg log melahtakkin, goǵgir kāmil imīd log melahtakkin. 50 Imīd masa; lākēn imīd ūsaṅokanī, min nog melahtakkelē? imīd dār ul logo, salam-gōn fakk unnilā.
© Historic text printed by the British and Foreign Bible Society in 1885