Markosin 10 - Iṅǵīl Yesū El-Messīhnilin, Markosin Fāyisīn Nagittā 1885 (FIA1885)

X. FASEL DIMITTILIN.

1 Kutta kiron mandotōni Yahūdīgūn barrin irkigū logo, Yurdān gerrā. Ademirī wīdagōn tal lo kaššan ǵammā āgallimǵon unden nagittanī. 2 Farisī tal lo kir issiksan: idin dōro okkofīkanī, idēn tannatōni bāyōsinanī. Ter takkā in nog ǵerribsan. 3 Wīd īgatiḱḱon: Mūsē miṅgā kullikaḱḱō? 4 Īksan: Mūsē barion tallāgin šō wēkā fāye yon talligōsin siballā. 5 Yesū wīd īgatiḱḱon: ai unnin kogor-kennēs siballā in banittā īgatiḱḱon. 6 Lākēn hallikin awellatōni nōr hilgigon ondi-gōn karrē-gōn wēkā. 7 Inīn sibballā taf fāp-pōn tan ēṅ-gōṅ-kā mugōǵa idēn dan ǵammafakkin. 8 Ūwon gāri arrig wēra-ṅinan. Iṅ girrā ter ūwo imminan arriǵ wēr ā-menan. 9 Nōrin ǵammikirōgekā ādem eska bāyeḱḱimun. 10 Nōgiddo-gōn issiksan talamīdī in bańittā. 11 Īgatiḱḱon: Nai bāyikiro idēn tannatōni, tar fellātikennē idēn dōro. 12 Idēn wēi id tannatōn bāyōskanī, id iḱḱi wēkā edkanī, idēṅ-gōn fellātikennē idēn-dōro.

13 Assarīg eḱḱaǵūsan tal logo, tar tekkā taffa naḱḱeyā. Talamīdī heddisšan tekkā eḱḱakaḱḱokūgā. 14 Yesū iṅgā nassīn kēllā, kešsirōsa īgatiḱḱon: Mugōgana assarīg ai log kaḱḱanayā, sukkigitamman nōrin mulki ten dōro ānī. 15 Allēa, īgatiḱḱir: wēlon nōrin mulkā dummimēṅkanī assar wē nagittā, auwō auwō fa-ǵūmun. 16 Tekkā battarkaḱḱon, eddi tāṅ-gūgā ten dōro okkira barakagā tiḱḱon.

17 Sādō ǵūson dawilā; wē urrag tannā mirron, kurtikūma tīgōsa, issigon: wo maallim masa, ai miṅg awiā aṅi daimaṅgā ken fagginangā. 18 Yesū īgatiron: Minā illim aigā masa īgadēni? mas dāmun nōr tar-kōṅ-gērī. 19 Ir masa nōrin wessāgā irbēnam: fellattā awatam; fāwitam; markatam; šahādasūrkā šahadatam, hūnatam, ibōg kerme in ēṅgā kerme. 20 Wīda baṅatiron: wo maallim! assarkenneltōn irig awis. 21 Yesū gūṅa, dollōsa, īgatiron: wēi elgōn kirkummūn. Il lo dārī kāmilkā ǵanǵe, meskīnīg faggatiḱḱe, kins wēḱā fa-elnam semālā. Abāg annā kir salīb iṅgā sokkede. 22 Tar simarkōsa tīgōson in baṅidin dōro gammidakōsa nogon, tal log urti diyyi dārin nogo.

23 Yesū hauwalēn taṅgā gūṅa talamīdīg īgatiḱḱon: Ollīda šēyi diyyikā kūnnigū, nōrin mulkil kaḱ-ḱanaṅgā. 24 Talamīdī aǵibsān bańit tan nogo. Yesū wīda īgatiḱḱon: Welledī aṅgū, minkelli ollīda, šēyi diyyi tennā tekkila-fīgikū nōrin mulkilā kaḱḱa-naṅgā! 25 Gāsia alli-kullum wē intalēn uffi wēlā tōre, walla šēyi diyyikā kunin nōrin mulkil ǵūe. 26 Ter aǵibsanfāginī diyyikā, wēr wēkā īgotiḱḱisan: nai eska fa-hallistakkī? 27 Yesū gūria tekkā īga-tiḱḱon, ādemirī log dārī, eskitakkummun, ammā nō-riddo dārī, eskitakkin; nōriddog kāmil eskitakkin nogo.

28 Betrus īgatiron: ū šai kāmilkā mugosa ikk ergussu. 29 Yesū wīda īgatiḱḱon: Allē tottā, ukkā īgatiḱḱir, wē dāmun, nokā eṅgakūgā, essigūgā, fāppā, eṅgā īdēṅgā, wildīgā, haggi tan dārīkā, ai-gōn ingīl-kōn dōro mugikanī. 30 Tar dummimēṅkan wēkā, imil-wēra kira nokā, eṅgakūgā, essigūgā, ēāgūgā, wildīgā, haggīgā sulmi dani, iw-waktigā, wīdagān duṅan aharrā āni daimgā. 31 Auwēlkūn diyyī fa-ahiraṅinan, aharkū-gōn fa-awwelaṅinan.

32 Sikkal kērafīšan Gudeskā tirā. Yesū tekkā awwelaṅkenon, terī hayyirtakkafīšan; ergissan, ǵā-gintāni. Dumrniǵon wīdagōn dimerūwogā īgatiḱḱon, miṅg tal log kiddī. 33 Adī, dōro Gudsil gūdullu, ādemin tōt-tōn kahīnī dauwī-gōn šōnnōrkū-gōn nogo, ǵebbaitakkarin, takkā dīa tannā hokmallan, ǵeba-yallan kāfirī logo. 34 Giǵallan tan dōro, tōgallan, tuffudditidinnan, fawrōsallan; nahārrin tuskittilā faddin.

35 Tal lo ǵū, Yakūp-pōn, Yūhannī-gōn Sebedān tūm, īgatissan: wo maallim, firgur irīn amekā, ūīn ikkā āf-fedde nagittanī. 36 Īgatiḱḱon: Miṅgā fir-gurū ayīn ukkā awatiḱḱekā? 37 īgatissan: dēṅǵe āǵirūī īyon iṅ-gōn kondon iṅ gōn-nā rneǵed innāi 38 īgatiḱḱon Yesū: ur irbimminokom, miṅgā feddi-rūgā. Ur eska nīrō kās ayīn nīekā, au gatistakkirō in gatis logo, ayīn gatistakkisīn nagittanī? 39 īga-tissan: eio, ūī eskur. Yesū īgatiḱḱon: ur kāskā nīdillokom ayīn nīsīn, au ur gatistakkallókom, in gatis logo ayīn gatistakkisīn nagittanī. 40 Lakēn ai eska ukkā tiḱḱumun, ur īyon aṅ-gōn kondon aṅ-gōn nog āgirūī, lāken nai logo hadderafī.

41 Dimerūwoṅ-gār iṅgā ukkissan kēllā sirnarkōšan Yakūppōn Yūhannī-gōn siballā. 42 Yesū ōgaǵa īyatiḱḱon: irbērokom duńan dauwirī meliktakkōšaṅgā, fakki tennil kogorī gudrak kunninaṅyā. 43 Ammā iṅgirrā fakk unnilā lesmimun, lāken ullatōn nayā dauwiraṅinaṅgā firgī, hadām unnaṅeyā. 44 Nayā ullatōn auwelunnaṅinaṅgā firgī, kāmil unnin ošaṅēyā. 45 Ademin tōd elgōn kirkummun mahedūmaṅalleyā, lākēn hadāmaṅalleyā kiron, feddagalleya diyyikā.

46 Yerihōl kaššan, wīda Yerihōlatōn tak-kōn, talā-mīdī taṅgū-gōn ādemirī diyyī-gōn noksan kēllā, duṅgi wēi, tāṅis taṅga Bartimāi Timāin tōd innan, dawil āga, feddon. 47 Tar ukkisīn kēllā, Yesū Nasaretil-tōn tanafīnī, tāḱa baṅōn: wo Yesū, Dawūdin tōd, aigā arhamōse. 48 Diyyī takkā ǵismatissan hussō-seyā. Tar auwel lekin diyyikā tāḱon; ir Dawūdin tod, aigā arhamōse. 49 Yesū meṅǵon amarǵon kire yā; duṅgikā ōgir īgatissan: erreyahtakke, kutte ikkā āg-ōgēn ānī. 50 Kitti taṅgā wirkiǵa kutta ǵūon Yesū log. 51 Yesū wīda īgatiron: ir miṅgāfirgī awatidillēnī. Duṅgi īgatiron: nōr an, āi kawafiraṅinaṅgā. 52 Yesū īgatiron: gūe, āmin in ikkā hallion. Aballā tar id nalōson, ergadon abāg tannā dawil.