Dhuŋun dhina dhaŋinijo Yuuẖannaŋw dhina dhiro ŋinena dhiŋidi dhan Lirainy la Kalo
1 A nyi gwaŋadhi gi dhoi dhina dhiro dhiŋir dha ŋeda gwina gwijalo kursi alaŋ kitham gina gulinu ganu a gi dhuralaŋ, gikhathiminu akhthaam gai kworoŋo‐thiril. 2 A nyi gwaŋadhi malaak gwina gwibur nono ŋwurnie ŋwal ŋwai ŋwina ŋwipa ŋwarnu, Ei gwiro gwina gwaudhi duŋwigiye kitham, a ŋwuwala akhthaam galo guŋun? 3 Athibi kwiji gweda jo gi Sama, i kidhila i kidhila galiny, uthi ŋoma duŋwigiye kitham a duŋwaŋa no. 4 A nyi gwaro gwuleny, ŋinena athuŋw bujinu gweda gwina gwaudhi duŋwigiye kitham a ŋwabiŋaijo, i duŋwaŋa ganu no. 5 A nyi gweta gwa shiyuuk abiŋaijo ŋwarnu, Athaŋa aro no; aŋadhi, Lima limadhinyi lina lijo gi gabiila ga Yahuudha, lina liro Dhuwa dha Daawud, duŋw igiye kitham, a ŋwuwala akhthaam galo guŋun gina giro kworoŋo‐thiril. 6 A nyi gwaŋadhi, a aŋadhi, gi keligeny ganu gi kursi a owaŋ ina iro kworoŋo, a keligeny ganu gi shiyuuk, a Lirainy je, liro ŋinena lidhuginu, luthi dil kworoŋo‐thiril a je kworoŋo‐thiril, jina jiro digirim da Kalo dina diro kworoŋo‐thiril dina dukejinu kidhila peth. 7 Ŋwila ŋwapai kitham gi dhoi dhina dhiro dhiŋir dha gwina gwijalo kursi alaŋ. 8 A dina muŋw apai kitham, a owaŋ ina iro kworoŋo a shiyuuk lina liro dhure‐a‐kworoŋo ide ŋwurko ŋwai gi je ganu ja Lirainy, a gweta gweta degen gwuthi gubura, a gidhe gina giro dahab gina goinyadho ŋara ŋina ŋiro gwudhurul ganu, ŋina ŋiro abiŋaije Kaloŋa gwa liji lina liŋir didirel; 9 a ŋediŋa eliŋa dheliŋa dhina dhiyaŋ, alarnu, Ŋa gwaudhi daŋapai kitham, a daŋa igiye akhthaam guŋun, ŋinena rinyinaŋa, a ŋa gwimijelaŋ gwan Kalo ŋin ŋai ŋuŋa gi gabaayil peth, a diŋila peth, a gi liji peth, a gi liumam peth; 10 a ŋa gwimijiruje la Kalo danaro maluuk a gusus, a anaŋa laji luthi ŋelenya kidhila alaŋ. 11 A nyi datiŋa galo, a nyidiŋini ŋwal ŋwa malaayka loinyadho lina lurejo kursi galo a owaŋ a shiyuuk; a ⓐadad gwegen gwiro ⓐashara alaaf ŋwamun ganu ⓐashara alaaf a alaaf ŋwamun ganu alaaf; 12 alabiŋi ŋwal ŋwai ŋwipa alarnu, Lirainy lina lidhuginu ŋeda gwaudhi duŋwapai ŋoma, a ŋida ŋoinyadho, a bebra, a bur nono, a neye, a majdh, a baraka. 13 A ŋidi peth ŋina ŋigitinu ŋina ŋo gi Sama, a ŋina ŋo kidhila, a ŋina ŋo kidhila galiny, a ŋina ŋo gi baẖr alaŋ, a peth ŋina ŋijina ganu, nyildiŋini dilarnu, Baraka, a neye, a majdh, a ŋeleny ŋina ŋathije gwortal di gwortal di ŋeda gwina gwijalo kursi alaŋ, a gi Lirainy. 14 A owaŋ ina iro kworoŋo arnu, Amiin, a shiyuuk lina liro dhure‐a‐kworoŋo ide ŋwurko ŋwai alorthadha ŋeduŋw gwina gwathimidhe gwortal di gwortal.
Dhuŋun dhina dhaŋinijo Yuuẖannaŋw dhina dhiro ŋinena dhiŋidi dhan Lirainy la Kalo
1 A nyi gwaŋadhi gi dhoi dhina dhiro dhiŋir dha ŋeda gwina gwijalo kursi alaŋ kitham gina gulinu ganu a gi dhuralaŋ, gikhathiminu akhthaam gai kworoŋo‐thiril. 2 A nyi gwaŋadhi malaak gwina gwibur nono ŋwurnie ŋwal ŋwai ŋwina ŋwipa ŋwarnu, Ei gwiro gwina gwaudhi duŋwigiye kitham, a ŋwuwala akhthaam galo guŋun? 3 Athibi kwiji gweda jo gi Sama, i kidhila i kidhila galiny, uthi ŋoma duŋwigiye kitham a duŋwaŋa no. 4 A nyi gwaro gwuleny, ŋinena athuŋw bujinu gweda gwina gwaudhi duŋwigiye kitham a ŋwabiŋaijo, i duŋwaŋa ganu no. 5 A nyi gweta gwa shiyuuk abiŋaijo ŋwarnu, Athaŋa aro no; aŋadhi, Lima limadhinyi lina lijo gi gabiila ga Yahuudha, lina liro Dhuwa dha Daawud, duŋw igiye kitham, a ŋwuwala akhthaam galo guŋun gina giro kworoŋo‐thiril. 6 A nyi gwaŋadhi, a aŋadhi, gi keligeny ganu gi kursi a owaŋ ina iro kworoŋo, a keligeny ganu gi shiyuuk, a Lirainy je, liro ŋinena lidhuginu, luthi dil kworoŋo‐thiril a je kworoŋo‐thiril, jina jiro digirim da Kalo dina diro kworoŋo‐thiril dina dukejinu kidhila peth. 7 Ŋwila ŋwapai kitham gi dhoi dhina dhiro dhiŋir dha gwina gwijalo kursi alaŋ. 8 A dina muŋw apai kitham, a owaŋ ina iro kworoŋo a shiyuuk lina liro dhure‐a‐kworoŋo ide ŋwurko ŋwai gi je ganu ja Lirainy, a gweta gweta degen gwuthi gubura, a gidhe gina giro dahab gina goinyadho ŋara ŋina ŋiro gwudhurul ganu, ŋina ŋiro abiŋaije Kaloŋa gwa liji lina liŋir didirel; 9 a ŋediŋa eliŋa dheliŋa dhina dhiyaŋ, alarnu, Ŋa gwaudhi daŋapai kitham, a daŋa igiye akhthaam guŋun, ŋinena rinyinaŋa, a ŋa gwimijelaŋ gwan Kalo ŋin ŋai ŋuŋa gi gabaayil peth, a diŋila peth, a gi liji peth, a gi liumam peth; 10 a ŋa gwimijiruje la Kalo danaro maluuk a gusus, a anaŋa laji luthi ŋelenya kidhila alaŋ. 11 A nyi datiŋa galo, a nyidiŋini ŋwal ŋwa malaayka loinyadho lina lurejo kursi galo a owaŋ a shiyuuk; a ⓐadad gwegen gwiro ⓐashara alaaf ŋwamun ganu ⓐashara alaaf a alaaf ŋwamun ganu alaaf; 12 alabiŋi ŋwal ŋwai ŋwipa alarnu, Lirainy lina lidhuginu ŋeda gwaudhi duŋwapai ŋoma, a ŋida ŋoinyadho, a bebra, a bur nono, a neye, a majdh, a baraka. 13 A ŋidi peth ŋina ŋigitinu ŋina ŋo gi Sama, a ŋina ŋo kidhila, a ŋina ŋo kidhila galiny, a ŋina ŋo gi baẖr alaŋ, a peth ŋina ŋijina ganu, nyildiŋini dilarnu, Baraka, a neye, a majdh, a ŋeleny ŋina ŋathije gwortal di gwortal di ŋeda gwina gwijalo kursi alaŋ, a gi Lirainy. 14 A owaŋ ina iro kworoŋo arnu, Amiin, a shiyuuk lina liro dhure‐a‐kworoŋo ide ŋwurko ŋwai alorthadha ŋeduŋw gwina gwathimidhe gwortal di gwortal.