Dhinyi gwina gwo gi Sama a agiye gwa Lirainy
1 A gidon gi dhuŋun ibidha nyi gwidiŋinu ŋwal ŋwina ŋwipa ŋwa liji loinyadho gi Sama, alarnu, Halliluya; gilaŋ, a majdh, a neye, a ŋoma di Kweleny gwina gwiro Kalo gega, 2 ŋinena ro aẖkaam gwuŋun titiganu a gwidhunu galo; ŋinena akimiyuŋw gwidhira gwina gwinaŋ, gwina gwidigiriyo gidhileo ŋidhir ŋai ŋuŋun, a gwimal wurejo ŋin ŋa jine juŋun gi dhoi dhuŋun. 3 Alari ŋwamun ganu ram manaŋ nu, Halliluya. A gwuluŋw gwuŋun alo gwortal di gwortal. 4 A shiyuuk lina liro dhure‐a‐kworoŋo a owaŋ ina iro kworoŋo idijo Kaloŋa ŋwurko ŋwai gina gijalo kursi alaŋ, alarnu, Amiin; Halliluya. 5 A ŋwal tuiya gi kursi ŋwina ŋwarnu, Eliŋaijul Kaloŋa gega, nyaŋa lina liro jine juŋun peth, a nyaŋa lina lathidhenya ŋeduŋw, lina litilitiny a lina lipilipa. 6 A nyi gwidiŋinu ŋwal ŋwiro ŋinena ŋwal ŋwa liji loinyadho, a ŋwiro ŋwal ŋwa ŋau ŋoinyadho, a ŋwiro ŋinena ŋwal ŋwa mirini ganu gwuleny gwa lirainy, ŋwarnu, Halliluya, ŋinena ma Kweleny gwina gwiro Kalo gina guthi ŋoma ŋidi alaŋ peth ro Malik. 7 Abricije aliŋir dugore alupalaŋ, a aldhedha majdh, ŋinena ma agiye gwa Lirainy ila, a kwa gwuŋun gwimajarimani nono. 8 A gwidhedhilo duŋwgena kiraŋa gina giro tiil dhina dhimide, gina gijuro a gina gathare gumgum, ŋinena ro kiraŋ gina giro tiil dhina dhimide dhuŋun dhina dhiŋir dha liji lina liŋir didirel. 9 Nyibaicinu, Ulo, Liŋir dugore lina lurininu gi kia ga keraga ga agiye gwa Lirainy. Nyibaicinu, Dhuŋun ibidha dhiro dhuŋun dha Kalo dhina dhiro titiganu. 10 Nyibide ŋwora ganu ŋwuŋun dinyorthadha, nyibaicinu, Aŋadhi athaŋa apo dhuŋuna ibidha no. Daŋa liro jine ram, a limagalo ŋalai ko lina luthi shahaada gwa Yasuuⓐ. Idijo Kaloŋa ŋwurko ŋwai. Ŋinena ro shahaada gwa Yasuuⓐ dhigirim dhina dhabiŋinu dha dhuŋun dhina dhaji dhila.
Al Masiiẖ gwimadhinyi dhuwanu dhuŋun
11 A nyi gwaŋadhi Sama gwiginu, a aŋadhi, murtha gwina gwipidho; a gwina gwijinalaŋ gwan Gwiŋir a gwiro Titiganu, a gwathakimiye gi dhuŋun dhina dhidhunu galo a gwathapai ŋoŋora. 12 A je juŋun jiro ŋinena dhiŋila dha iga, a gi lira alaŋ luŋun ŋwuthi tiijaan dhoinyadho; a ŋwuthi jiriny julinu jina jati jal gweda liŋa no, abi ŋeda dogo. 13 A ŋeda gwigeno kiraŋa gina gidhuwajinu ŋin ganu, a jiriny juŋun jan Dhuŋun dha Kalo. 14 A ejigur ina yo gi Sama athilgwuje yudhi gi limurtha alaŋ lina lipidho, igeno ciraŋa jina jiro tiil, jina jipidho a jijuro. 15 A kalala gina guthi ŋin tuiya gi ŋwinyu ŋwuŋun duŋwgai pi liumam; alaji luŋwulie lura lai lina liro ẖadiid; a ŋeda gwadota libugul galo la khamra la kadhugore gwa Kalo gwina gwuthi kuŋw dhugore gwuleny gina guthi ŋoma ŋidi alaŋ peth. 16 A gwuthi kiraŋ alaŋ guŋun a gi dhimeni alaŋ dhuŋun jiriny julinu jan malik gwa maluuk, a kweleny gwa leleny.
Erna gwa dhuwan dhuŋun
17 A nyi gwaŋadhi malaak gweta gwidhunudhi kaŋin; ŋwure gwula ŋwal ŋwai ŋwina ŋwipa, ŋwabiŋaijo nyireo peth nyina nyathelila alaŋ keligeny ganu gi Sama ŋwulaicinu, Ilal nyauradhe liduŋw gi kia ga keraga ga Kalo gina ginaŋ; 18 danya eny ji ja maluuk, a ji ja zabithŋa, a ji ja ŋediŋa lina libur nono, a ji ja limurtha, a ja ŋediŋa lina lijinalaŋ, a ji ja liji peth, lina luthi ẖurriiya a lina liro jine, lina litilitiny a lina lipilipa. 19 A nyi gwaŋadhi kowaŋu, a maluuk la gidhila, a ejigur yegen, lauradho liduŋw dilapai ŋoŋora ŋeda gwai gwina gwijalo gi murtha alaŋ, a ejigur yai yuŋun. 20 Albimutha kowaŋu, a nebi gwina gwiro gwidhuŋun ŋeda gwai gwina gwigeto ŋiro ŋina ŋipiŋipa gi je ganu juŋun, ŋina ŋidhudhiyuŋwŋai lina luminyu ŋule ŋa kowaŋ, a lina lidijo s̱uura gwuŋun ŋwurko ŋwai. Alguthini ram limidho gi baẖr gwa iga ina yudo kibriit gai. 21 A lina lidhainu rinyini kalala gai ga ŋeda gwina gwijalo gi murtha alaŋ, gina gitui gi ŋwinyu ŋwuŋun; a nyira peth pe ji jegen.
Dhinyi gwina gwo gi Sama a agiye gwa Lirainy
1 A gidon gi dhuŋun ibidha nyi gwidiŋinu ŋwal ŋwina ŋwipa ŋwa liji loinyadho gi Sama, alarnu, Halliluya; gilaŋ, a majdh, a neye, a ŋoma di Kweleny gwina gwiro Kalo gega, 2 ŋinena ro aẖkaam gwuŋun titiganu a gwidhunu galo; ŋinena akimiyuŋw gwidhira gwina gwinaŋ, gwina gwidigiriyo gidhileo ŋidhir ŋai ŋuŋun, a gwimal wurejo ŋin ŋa jine juŋun gi dhoi dhuŋun. 3 Alari ŋwamun ganu ram manaŋ nu, Halliluya. A gwuluŋw gwuŋun alo gwortal di gwortal. 4 A shiyuuk lina liro dhure‐a‐kworoŋo a owaŋ ina iro kworoŋo idijo Kaloŋa ŋwurko ŋwai gina gijalo kursi alaŋ, alarnu, Amiin; Halliluya. 5 A ŋwal tuiya gi kursi ŋwina ŋwarnu, Eliŋaijul Kaloŋa gega, nyaŋa lina liro jine juŋun peth, a nyaŋa lina lathidhenya ŋeduŋw, lina litilitiny a lina lipilipa. 6 A nyi gwidiŋinu ŋwal ŋwiro ŋinena ŋwal ŋwa liji loinyadho, a ŋwiro ŋwal ŋwa ŋau ŋoinyadho, a ŋwiro ŋinena ŋwal ŋwa mirini ganu gwuleny gwa lirainy, ŋwarnu, Halliluya, ŋinena ma Kweleny gwina gwiro Kalo gina guthi ŋoma ŋidi alaŋ peth ro Malik. 7 Abricije aliŋir dugore alupalaŋ, a aldhedha majdh, ŋinena ma agiye gwa Lirainy ila, a kwa gwuŋun gwimajarimani nono. 8 A gwidhedhilo duŋwgena kiraŋa gina giro tiil dhina dhimide, gina gijuro a gina gathare gumgum, ŋinena ro kiraŋ gina giro tiil dhina dhimide dhuŋun dhina dhiŋir dha liji lina liŋir didirel. 9 Nyibaicinu, Ulo, Liŋir dugore lina lurininu gi kia ga keraga ga agiye gwa Lirainy. Nyibaicinu, Dhuŋun ibidha dhiro dhuŋun dha Kalo dhina dhiro titiganu. 10 Nyibide ŋwora ganu ŋwuŋun dinyorthadha, nyibaicinu, Aŋadhi athaŋa apo dhuŋuna ibidha no. Daŋa liro jine ram, a limagalo ŋalai ko lina luthi shahaada gwa Yasuuⓐ. Idijo Kaloŋa ŋwurko ŋwai. Ŋinena ro shahaada gwa Yasuuⓐ dhigirim dhina dhabiŋinu dha dhuŋun dhina dhaji dhila.
Al Masiiẖ gwimadhinyi dhuwanu dhuŋun
11 A nyi gwaŋadhi Sama gwiginu, a aŋadhi, murtha gwina gwipidho; a gwina gwijinalaŋ gwan Gwiŋir a gwiro Titiganu, a gwathakimiye gi dhuŋun dhina dhidhunu galo a gwathapai ŋoŋora. 12 A je juŋun jiro ŋinena dhiŋila dha iga, a gi lira alaŋ luŋun ŋwuthi tiijaan dhoinyadho; a ŋwuthi jiriny julinu jina jati jal gweda liŋa no, abi ŋeda dogo. 13 A ŋeda gwigeno kiraŋa gina gidhuwajinu ŋin ganu, a jiriny juŋun jan Dhuŋun dha Kalo. 14 A ejigur ina yo gi Sama athilgwuje yudhi gi limurtha alaŋ lina lipidho, igeno ciraŋa jina jiro tiil, jina jipidho a jijuro. 15 A kalala gina guthi ŋin tuiya gi ŋwinyu ŋwuŋun duŋwgai pi liumam; alaji luŋwulie lura lai lina liro ẖadiid; a ŋeda gwadota libugul galo la khamra la kadhugore gwa Kalo gwina gwuthi kuŋw dhugore gwuleny gina guthi ŋoma ŋidi alaŋ peth. 16 A gwuthi kiraŋ alaŋ guŋun a gi dhimeni alaŋ dhuŋun jiriny julinu jan malik gwa maluuk, a kweleny gwa leleny.
Erna gwa dhuwan dhuŋun
17 A nyi gwaŋadhi malaak gweta gwidhunudhi kaŋin; ŋwure gwula ŋwal ŋwai ŋwina ŋwipa, ŋwabiŋaijo nyireo peth nyina nyathelila alaŋ keligeny ganu gi Sama ŋwulaicinu, Ilal nyauradhe liduŋw gi kia ga keraga ga Kalo gina ginaŋ; 18 danya eny ji ja maluuk, a ji ja zabithŋa, a ji ja ŋediŋa lina libur nono, a ji ja limurtha, a ja ŋediŋa lina lijinalaŋ, a ji ja liji peth, lina luthi ẖurriiya a lina liro jine, lina litilitiny a lina lipilipa. 19 A nyi gwaŋadhi kowaŋu, a maluuk la gidhila, a ejigur yegen, lauradho liduŋw dilapai ŋoŋora ŋeda gwai gwina gwijalo gi murtha alaŋ, a ejigur yai yuŋun. 20 Albimutha kowaŋu, a nebi gwina gwiro gwidhuŋun ŋeda gwai gwina gwigeto ŋiro ŋina ŋipiŋipa gi je ganu juŋun, ŋina ŋidhudhiyuŋwŋai lina luminyu ŋule ŋa kowaŋ, a lina lidijo s̱uura gwuŋun ŋwurko ŋwai. Alguthini ram limidho gi baẖr gwa iga ina yudo kibriit gai. 21 A lina lidhainu rinyini kalala gai ga ŋeda gwina gwijalo gi murtha alaŋ, gina gitui gi ŋwinyu ŋwuŋun; a nyira peth pe ji jegen.