XIII. FASEL DIMETUSKITTILIN.
1 Hēkallatōn noksīnnā talamīdīltōn wēl īgatiron: Maallim, nal, kid taṅgū sikkalagā, gonīd tan sikka-lagā! 2 Yesū wīā īgatiron: nallonā in gońid dawura inīngā? kid kidin dōro fa-fadilumun korǵīd kińinī. 3 Sētun ǵebella hēkaln urragiddo tīgōsīn kēllā, Betrus-kōn, Yakūp-pōn, Yūhannī-gōn, Andrea-gōn takkā issiksan: 4 Īgadēnǵe: isson in kāmil kaḱḱallā? nai alama kiddī? isson in kāmil halsarī. 5 Yesū wīd īgatiḱḱon: gūńana wēlin ukkā delliǵmun. 6 Minā diyyī kaḱḱallan taṅs annā, bańallan: ai messīhlin; diyyikā dilliǵallan. 7 Ur in ānē harp-pōn nadair-kōṅ-gā ukkisīn kēllā, ǵāgatammana, in iṅgir fīn ānī; lākēn abāg elgon kirkummun. 8 Ǵins wē kutta ūwittin dōro fa-menǵin; mulk wē ūwittin dōro; fa-kīnan selselanǵī kāmillā, fa-kīn wakti gallā-gon ǵāgi-gōn; inīn mossibanǵīn urragilin.
9 Urī maskā nalan; ukkā fa-ǵebaiǵinan ǵāman-ǵīlā; urī fa-tōktakkirokom; fa-ekkirtakkirókom dauwirī-gōn melekī-gōn urragiddo sibat annā, šahāda tenni dōro. 10 Inǵīl dersitakkarin urragiddo ǵins kāmil logo. 11 Ukkā fa-ekkaḱka ǵebaiginan kēllā, nala-tammana, miṅgā bāriurū, hamintamman urragiddo; lāken bańana, in waktilā fa-tirtakkarin ukkā; minā urīn bammēnsīn siballā, šogorti gudsi fa-bańin. 12 Eṅga eṅgakā fa-gebayin dīalā, fāb tōttā, tuṅī teffāp-pōn tenn ēā gōn dōro fa-namridinan, tekkā fa-fāwaḱḱinan. 13 Uri tissitakkirokom kullu-wēndūtinī lotōn taṅs annis siballā. Lākēn nai menǵī aharraṅe fāminī, tar hallastakkarin. 14 Ur on diṅgin harappā fa-nakkawoi, agar gudsī wē-lā āgin, nebi Daṅiēlin fāyisīn nagittā, Yahūdīyan barril āgi wēndūtinī mulēnǵil ǵū nāfana yā. 15 Kullu wēn-dūtin dambin dōro, taziwō sukkotammana yon nōgiddo, auwō tōḱatamanana yon, hāǵa wēkā enninan ēnī. 16 Sādō serrāl ǵūokūī wīdatammanayon, kitti taṅ-gūgā ennatammanayon. 17 Wāyā! idēn ǵuntikūgā, idēn ā-ǵaddikēkūgā iw waktilā! 18 Sallana nāfid unnigā šittēl kittame yā. 19 In nahārīlā harap pallaga fa-kīn gattin naltakkakeṅkummun walla fa-naltakkummun. 20 Nōr urādakirkommēṅkan in nahārīgā wē fa-hallistakkamun; lākēn id ehtārtak-kafīgūn siballā nahārīg fa-urādakkaḱḱin. 21 Iw waktigā wēl on īkkanī: Messīh indo yā, walla im messīhlin, āminatammana. 22 Fa-faḱḱinan messīn marǵāṅkūī nebi marǵāṅkūī awikūī alamī-gōn aǵabī-yōṅ-gā ehtārtakkafīǵīkūgōṅ-gā delliǵinaṅga, fa-eski-kanī. 23 Urī maskā nallan; adī ai ukk urragiddo kāmilk īgatiḱḱis.
24 Iw waktigā harābn aharrā, maša-gōn onatti gōni fa-dulumaṅōǵinan. 25 Wingī tauwō fa-sukkō-sinan semāltōn semāgūn gudranǵī fa-guńinan. 26 Iw wāktigā fa-nānan ādamin tōttā fa-kīn sahāblā gudra diyyi logo, gurandi logo. 27 Fa-īdēn malaikānǵī tannigūgā, fa-gammikaḱḱin ehtārtakkafī tannikūgā ruhin kemson-gārratōni ardin kēllaton semānǵī kēlkā dūe-fāminī. 28 Kullanā metelkā tīn-sagaraltoni. Awirī taṅgū dessaṅgōǵinan au ukkīg dumminan waktigā īrbērokom fagōn mōlā yā. 29 Iṅgirrā nak-kawoi inī kikkanī irbiranā, mōlā yā bābn wrraglā. 30 Allēa, īgatiḱḱir: in ǵinsi fa-ǵūmun, in kāmil-kimmēṅkanī. 31 Semā-gōn arit-tōn fa-halsitakki-nan, bańid aṅgū fa-halsiminan. 32 Lākēn wēl irbum-mun nahārwalla sā, isson fa-kī, walla nōrin malaikanǵī walla tōd irbīmminan; bes fāb tar-kōī irbēn. 33 Na-lanā, fikkatīganā, sallanā, urīn irbimmēne logo waktin fa-kirekā. 34 Id safarafīn nagittanī mugōson nōg taṅgā, amir taṅgā sellimōǵan oši taṅgūgā, wēndūtin šuyel taṅgā amantirōson, boāppā īgatiron fikkatīgana yā. 35 Iṅgirrā fikkatīgan; urīn irbimēne logo, issoni nōgin nōr fa-kīṅgā, ašal fa-kikkanī, walla awaf fagatillā, walla dirbanondi wīkkanī, walla feǵirrā. 36 Tar helbēt aballā fa-kīn, ukkā nērafīǵruī elgin. 37 Aiīn ukkā īgātiḱḱekā, kāmilk īgatiḱḱir: fikkatī-ganā.
© Historic text printed by the British and Foreign Bible Society in 1885